ليلة الوداع ..احسين استمع للحرة

.بسم الله الرحمن الرحيم

اللهم صل على محمد وال محمد

.........

احسين استمع للحرة ...اتعاتب ونة العبرة

هاليله الدمع تركيه ..اريد اليوم دم تبچيه

...اتعاتب ونت العبرة ..

.....

تعنه احسين ابو اليمه ..الخيمة زينب الحرة

وجلس عدها يسليها .. لگالــه تنوح بالعبرة

تعاتب دمــع عيناها..وتجرحسرة ابأثرحسرة

اشلون انودع الغالي..يدمعي گلبي شيصبرة

يريت الموت يسعالي ..وابدل عمري ابعمرة

يدمع العين عاتبتك..اشوفك ساكت واتجـرة

هاليلة الدمع تركية ..اريد اليوم دم تبچــيه

اتعاتب ونة العبرة

.........

صعبه عليه هاليله.. گلي الوضـــع شيغيرة

هذي گوم ابن سفيان..شياطين الغـــدر تدرة

ساعه اتناجي باريها..وساعه اتحشم الزهرة

وساعه اتريد واليها..ابوالحسنين شيحضرة

الحزن خيم ابلوعتها..عجيبه باچر اشيجرة

اخاف اعله اخوتي باچر..متوذرين عالغبرة

هاليلة الدمع تركية ..اريد اليوم دم تبچــيه

اتعاتب ونة العبرة

.........

جلس ريحانة الهادي...تسأله وهو يسألها

يختي وريعة افؤادي ..انحنه اعليها يقبلها

يزينب باچر الوادي .. جثث ومــوذرة كلها

غيرالصبرماعندج..اعدانه الطمـــع كاتلها

وانت يانظر عيني ..اتحضـري للسبي گلها

وگالتله يبن عودي ...العيلة منهــو يكفلها

هاليلة الدمع تركية ..اريد اليوم دم تبچــيه

اتعاتب ونة العبرة

.....

احتارة زينب وگالــــت..يبو السجاد گلـبي ذاب

وحگك ياضوة اعيوني..يظل دمعي دمه سچاب

اشلون احسابكم خـويه..اتركوني مع الاجناب

آه اعداك مـــاترحم ..امشي عليك داحي الباب

ينورالعين لايحسين..صعبه فرگــــــة الاحباب

وآني مدللت حيدر..مثل اصوابي ماكو اصواب

هاليلة الدمع تركية ..اريد اليوم دم تبچــيه

اتعاتب ونة العبرة

............

سمع عباس كل كلمة ..الزينب من حچة لحسين

جمع خوانه بالخيمة ..اسمعوني يخــوتي زين

لعد زينب نريد انروح..نخليها تقــــــــــــر العين

كل ارواحنه فـــدوه ..صاح اوسمـع الصوبين

وگال اسيوفكم سلوا..نعاهد شمعــــــــة الطيبين

لاجل احسين يازينب ..وحگ من ضرب بالسيفين

هاليلة الدمع تركية ..اريد اليوم دم تبچــيه

اتعاتب ونة العبرة

............

اتلگاهم ابوالعترة ...حي اشبول حامي الجار

هله ابعباس واخوانه ...هله بالقاهر الفجار

يوم النهروان انعاد ..يسبع الگنطره المغوار

هله بشبل الصميد الحيد..كاسرشدت الكفار

ابوفاضل ابو الغيرة..عضيدي ضنوة الكرار

هذا اليوم الك عباس.. فرح زهــرة المختار

هاليلة الدمع تركية ..اريد اليوم دم تبچــيه

اتعاتب ونة العبرة

...........

تعانق والجمع ينظر ..عباس اويبواليمـــــــه

ساعه يبوس اخدوده ..وساعه يحضنه ويشمه

الدموع عالخدود تسيل ..عدوك لاتشل همـــه

وحك جدك رسول الله ..لخلي انهارها ظلمـــه

وهاي اجموعهم تعلم ..راعي الزود والهـــمه

كون أگلبها ياعيناي..على رووس الكفر غمه

هاليله الدمع تركيه ..اريد اليوم دم تبچيه

اتعاتب ونة العبرة

.............

نسالكم الدعاء

لاتنسوني ياشيعة حيدر ذكروني...

بسم الله الرحمن الرحيــم

اللهم صل ِ على محمد آل ِ محمد ..كلما ذُكر الأبرار ،

........

لاتنسوني .لاتنسوني .ياشيعة حيدر.ذكروني

فاطمة احسين.اتناشدكم

من دارالوحي.إتحشمكم

ياشيعة حيدر ذكروني .ياشيعة حيدر.ذكروني

........

من نور الرسالة شاع .عالامــة ونشر نوره

وقضى عالجور والظلام. وهدم قلعته وسوره

العدل والحق كتب عنوان والقـرآن دستوره

ماهاب الاعصار الثار تحـــمل بالصـبر جوره

الطيب اوقمة الاخـــــلاق تبنها النبي ابدوره

وميزان الحياة اثبات إلكل انســان وحضوره

سالم ياعمل منكم

بانت كـــل مواقفكم

لاتنسوني .لاتنسوني ياشيعة حيدر. ذكروني

......

عالصار بأرض جدي رسول الله من موقف

اول وفه للمختار عصر ضلع البتول ابخف

مات النبي ومات الدين.يصيح الكافر ويهتف

ودموع الهظم دم سال حتى بالحــــــد ماجف

و لو مرت علينه ادهور تظل اعيونه تذرف

كتاب الله ناصركم

منآل البيت قائدكم

لاتنسوني .لاتنسوني ياشيعة حيدر. ذكروني

........

اذكرواإهموم دلالي .ولــوعات الدهرياناس

من ودعني نور العين.روحي گطعت الانفاس

لن الاكـــبرإگبالي.انذهل والدمـــــع ماينقاس

ودگ صدره وتنخالي.يفاطم اني راعي الباس

وحگ جدچ رسول الله ارجـع وآخذج عالراس

الا المــــــــوت يمنعني. اعذرني يغصن الياس

يروح احسـين اعاتبكم

آنا الاكــــــبر اودعكم

لاتسوني .لاتنسوني ياشيعة حيدر. ذكروني

..........

ياشيعه الألم ماهـــاد. واجـروح الگلب تنزف

اذكروا الصار عالعترة للاجيال خـــل تعـــرف

من ايام كسرالباب حـــقدهم على الامـة ايلف

وشيطان الغـدر أوعــــز لبيوت النبي يزحـــف

الدنيا غرة الظلام من الدين اجـــــعلوا مــوقف

البدايه من ارض طيبة ودم السال بأرض الطف

أسائلكم أســـائلكم

منأل البيت موقفكم

لاتنسوني. لاتنسوني. ياشيعة حيدر. ذكروني

...........

من أرض المدينة سار.ابوالسجاد بالعــــيله

ومن يومه الألم بالــروح .ماهــــود ولا ليله

الحمل من طاح ياشيعة ماظل واحـــد يشيله

ولوعاتي بصبرها ادورتريد الــوالي تشكيله

بس الوحشه واصداها مظلمه ونتي تحچيله

بحسراتي وسگم حالي غريبه اخيالي ابچيله

أسائلكم أســـائلكم

منأل البيت موقفكم

لاتنسوني. لاتنسوني. ياشيعة حيدر. ذكروني

.............

من يرغب اخذ لحن القصيدة امامك

http://www.wlidk.net/dld7cC25403.mp3.html

نسالكم الدعاء

الاول من محرم الحرام الوداع لفاطمة بنت الامام الحسينعليهم السلام

بسم الله الرحمن الرحيم

اللهم صل على محمد وال محمد ..

...............

فاطمة إحسين اشفاجعها ...الليلة العيلة اتودعها...

...

هاي الليلة انمجعت يمها ...واحدهم كل ساعة يشمها

والدها إوعمتها إوعمها... يبعدون الخوف الفازعها

....

آلمها الكل راحل عنها ...وحشة الداروليله يجنها

ماتحمل فـرگاكم چنها...مالومه وهمها إيصارعها

....

اتحشم إوتناشد عمتها ...وإجبال اتنوح إلوعتها

دم العين اتهل دمعتها ...ونادتها الحرة اتهجعها

.....

ماريد الروح ابغبتكم ...معلوله اتموت ابطلعتكم

ياأهل الشيمه امروتكم ... فرگاكم روحي يصدعها

.....

شاهدها القاسم والاكبر ...امچتفها الهم وماتگدر

نادوها والگلب اتفطر...انخاف من الچبدانوجعها

.........

اترفرف مثل الطيرالهايم ...آه من الدهر اشكد صارم

ونتها اتفزز كل نايم ...اتحشم هالوحشه اشيجرعها

......

الحن الجديد

http://www.wlidk.net/dldpvl88858.mp3.html

اللحن القديم

http://www.wlidk.net/dldO8H87205.mp3.html

...........

نسالكم الدعاء

اليوم الاول من محرم الحرام 2010

بسم الله الرحمن الرحيم

اللهم صل على محمدوال محمد ..

..............

ياعلي السـجاد اســــــمع ليها ....العليلة اتحشـــــــــــــــــمك تانيها
......

اتنادي فاطمة الحسين وتنتحب ...خويه ريض الحادي ياريع الگلب

ماسمعني عمي ابوفاضل عجب..وســـــــــــــاربظعونه إو تعجل بيها

.......

ماني أختك ياعلي جدي الشفيع ...وجدتي فاطم غضب إلها السميع

ارجاكم اتركون عبدالله الرضيع...خـــــــــــــويه حتى للنفس يحويها

......

آه ويســــــلني عن وحشة الدار ..ومن يناغيني يهـــــــــود الانتظار

لاتتركون الهواجــس يالاخيار...تحرك ابروحي وصــــــعب اطفيها

.......

فاطمة ابدموعها اتحـد العليل ...واگف اينادي يبن نورالخليل

بويه منهو إلها لوچلچل الليل ...بويه حـرمة والمرض ماذيها

..........

گاله يانور عيني والــدليل ... آني أخاف اعليها من نسمة الليل

والشمس تلهب ابحرها يالعليل ...إشلون درب الطف بعيد اعليها

.....

لاتوجع الـروح انهض للرحيل..يبني أمشي أعليك حماي الدخيل

المرض إنِتَ أمجربه وجسمك نحيل...لون بيدي ما أخذتك ليها

.....

آه من أرض المحن ارض الطفوف..يبني أهل الكفر تترادف صفوف

گوم ماعدهم رحم غيرالسيوف ..اتريد بالعترة اتشفـــــــــــــه بيها

..........

من حقد ذيج الســـــقيفه جاثمة ..زمرة الشيطان زمرة مشرذمه

بالاقطار اتوزعت متحزمة...اتريد ثار أصنامها ومـــــــــاضيها

.......

لحن القصيدة بصوت الشاعر...عدة اطوار

اللحن الجديد للموشح

http://www.wlidk.net/dldtWD04729.mp3.html

..............

اللحن القديم للموشح

http://www.wlidk.net/dldy5K06303.mp3.html

نسالكم الدعاء