بسم الله الرحمن الرحيم
اللهم صل على محمد وال محمد ...
.....
گعدية
....
الصادق أنقذ هالشرع ..من إيد طاغيها
جهاد إبعـــــزم إوعلم ..رايد يشيل الظلم
من ايد طاغيها
.....
الصادق اتوجه وجاهـد.خاطب ارباب الضلاله
واراد تغيير النفـوس.الضالعه ابمــدالجهاله
وإنظـر عالهم يعــرفه. بس نفاق وبس رذاله
هاي ناس الطمع عامي .اعيونها صرت اگباله
....
انفزع من هذا الوضع ...الدين بين اهل الردع
ضايعه ابحكام الربع ... شاف هاي اشلون حاله
...
مانفع بيهم نصح ...الحال من ينفضح
ينكشف ســـاعيها ..مــــن ايد طاغيها
.......
شاهد الامة تنازع...من الظلم والعدل ضايع
ذاك يسلب هذا ينهب ..هذا ساكت عالمواجع
وذاك جالس للشريعه..يصـدر احكام ويدافع
افلان گال إوشرعلها..من السقيفه قيد واقع
....
ياواقع إلبي تلتزم ...يامجرم إلبي تحتزم
خانوا نبيهم هالزلم..حاربوا لجل المنافع
.......
شوف الذبح والسبي..حاربوا بيت النبي
الدينار عامــــيها .. مــــن ايد طاغيها
,,,,,,,
نهض من اجل العقيدة.وجاهرابصوت البساله
وصل للكـوفه الامام .وغير ادروس الحثاله
ورجع اقوال الرسول ...اوفسر آيات الجلاله
هذا ابن باقـر العلم ...والنبي نور الرساله
...
هذا ابن حيدر علي ... هذا الخليف والوصي
هذا العدل هو النقي ..غير الامـــــة ابفعاله
........
تاريخهم راجعه ..درسهم الاربعه
واظهر حراميها ...من ايد طاغيها
....
عالج احكام الرساله ...واسس الفقه إورعاه
خافت ارجال الكراسي...دســــوا السم يا إلاه
من بعد كل هذا گاموا ..أويلـــــوا كل محتواه
هاي امه اشلون امه ..إل هذا يومه محاربيه
......
امة يزيد امة هند ...وامة بني العباس اشد
هالحقد نايم للابد ... من السقيفه ضل بناه
....
ظل الحقد للابد ..كل جيل يظهر اشد
الملعون حاويها..مــــــــن ايد طاغيها
..........
ويلي علىالمظلوم...ويلي على المسموم
آه الگلب مهموم ..ويلي على المسموم
يم العيال ايحــوم ...ويلي على المسموم
آه الچبد مالوم
ويلي على المظلوم
.......
نسالكم الدعاء
ليست هناك تعليقات:
إرسال تعليق