بسم الله الرحمن الرحيم
اللهم صل على محمد وال محمد
,,,,
المستهل
,,,,
يحيدر بويه حاميني ,,,غريبه لا تخليني
آنه زينب الحره ,,, إخوتي موسده الغبره
يحامي الجار حاميني ,,,غريبه لا تخليني
غريبه لاتخليني
,,,,
1
يبويه رايح الوالي ,,,من يتفگد أحوالي
المرار العدو يبرالي ,,, يشتم بيك يالغالي
الهظم ذبني ,,,الدهر عتني
يحامي الجار حاميني ,,,غريبه لاتخليني
غريبه لاتخليني
,,,,
2
نخيتك ياضوه للعين ,,,حاچيني يبو الحسنين
بعد عينك اروحن وين ,,, اخوتي عالثره مطاعين
السمه كبر,,, الولي مطبر
يحامي الجار حاميني ,,,غريبه لاتخليني
غريبه لاتخليني
,,,,
3
من فگدك يداحي الباب ,,, إجاني إصواب فوگ إصواب
وما أنسه الجره بالباب,,, ضلع إمي إنكسر وإنعاب
بصغر سني ,,, الدهر ذبني
يحامي الجار حاميني ,,,غريبه لاتخليني
غريبه لاتخليني
,,,,
4
الحسن ومصابه وهمومه ,,,وشفت الچبد مسمومه
يلوج وتنزف ادمومه ,,, شبل طـــــــــــه گرب يومه
الغدرصابه ,,, وصحت يابه
يحامي الجار حاميني ,,,غريبه لاتخليني
غريبه لاتخليني
,,,,
5
يحيدر إنهض عليه ,,, الدهر بويه إشلعب بيه
أنوحن صبحي وإمسيه ,,, رحت للشام مسبيه
الشمر عتني ,,,وكسر متني
يحامي الجار حاميني,,,غريبه لاتخليني
غريبه لاتخليني
,,,,
6
يبويه اشماتت العدوان ,,, خلت بالگلب نيشان
يزيد أجبرني عالديوان ,,, گام يلوع الرضعان
بدر وحنين ,,,يريد الدين
يحامي الجار حاميني ,,,غريبه لا تخليني
غريبه لاتخليني
,,,,
7
حاججت اللعين يزيد ,,, بالقرآن والتوحـــــيد
الحقد عاميه أبد مفيد ,,,مجرم كافر إشيعبد
الخمر دينه ,,, ظفر بينه
يحامي الجارحاميني ,,,غريبه لاتخليني
غريبه لا تخليني
,,,,,
ونسالكم الدعاء
ليست هناك تعليقات:
إرسال تعليق