القصيدة ,,,,أفزعني الليل ...
المستهل
=
أفزعني الليل = أرعبني الليل
بويه اولادك الصرعه = اوحاطتنه الخيل
اوحاطتنه الخيل
===========
(1)
بويه الگوم ماترحــــم =علينه خيلــــهاهجمت
لاعدهم رحــــم لا دين =المحـمد ابد ماحشمــت
شبت بالخــــــيام النار=چم طفلة وطفل سحگت
منلخوف الحرم فرت =تريد الخــــدرما سلمت
كل واحد الف شيطان = لبسها وعالنسه همـت
الخدر سلبوا=الستر هتكوا
ياحماي الحمه حاله اوحاطتنه الخيل
اوحاطتنه الخيل
============
(2)
بويه للستر هتكـــــــوا=من كسفت شمس نورك
بويه للسبط ذبحــــــوا=الحقد ضنهم يهد سورك
بويه الكون من جرموا=انهزوغاض من دونك
بويه اطفال مارحموا=بويه رايده احضـــورك
بويه ياعطش حمـــلوا=اعيالك والصبر شــورك
الصبرمافاد =الجرم هالزاد
ياحماي الحمه حاله =اوحاطتنه الخيل
اوحاطتنه الخيل
===========
(3)
رمله تصيح يالعريس=من دمعي اعجن الحنه
ياحلوا الوصف والطول =اطلب يبني وتمنه
من نار الگلب اعلگ=الشمــــعه ويبني اتهنه
أزفك حومت الميدان=ابوك اوصــاني يمچنه
اخذ سيف الحسن سيفك=إلبســــه ألعمك اتعنه
إلهذا اليوم=ربتك گوم
ياحماي الحمه حاله =اوحاطتنه الخيل
اوحاطتنه الخيل
==========
(4)
الاكبر آه يالاكـــبر =مثلك جـالها المغوار
من شدها العزم كبر=ظنها اظهرت يالكرار
انعادت ملحمة صفين=من أظهرعورته العار
كلها تخاذلت والبـــر=صار إلها وجه مفرار
ياريتك چنت حاضر=اتشوف الغدروألي صار
الغدرجذر=الدهرادبر
ياحماي الحمه حاله =اوحاطتنه الخيل
اوحاطتنه الخيل
==========
(5)
السمه تمطردِمه تگدر=ماوصــــلت وفه العباس
الچف منگطــع ويدور=غايرعالـــدرع والطاس
وين السيف نار يفور=چاوين الجســـم والراس
وفا لحسين المشكــــــر=ابوفاضل فـــــــلا ينقاس
مثل المصطفى وحــيدر=شل أبطــــالها النبراس
الجبل شاهد=أحِدْ صامد
ياحماي الحمه حاله =اوحاطتنه الخيل
اوحاطتنه الخيل
==========
(6)
انادي والدمع همال =اودمعي ما كسر گلبك
ياحِمل الذي ينشال=انازع آني مـــــــومثلك
كلها موذره أوصال=شباب ادماها من صلبك
انهض شوفني ابياحال=ثارات العده تطلبك
اگصد كربله هالخيل=داست فوگ جسم ابنك
الحيل الطاح =كلي اجراح
ياحماي الحمه حاله =اوحاطتنه الخيل
اوحاطتني الخيل
=========
(7)
ياعقد الوله اترجـــــــاك = العـــــده بويه تولوني
آن الزمن شوف احماك =حـــــيدر ارحم اشجوني
اشوف حسين بين اعداك=ظامــــــي وبيه فجعوني
اسمع صوت والاملاك =تندب زهــــــــرة اعيوني
تنعاك السمه تنعـــــــاك=بعـــــــدكم خابت اظنوني
الولي مذبوح=الگلب مجروح
ياحماي الحمه حاله =اوحاطتنه الخيل
اوحاطتنه الخيل
======
نسالكم الدعاء
ليست هناك تعليقات:
إرسال تعليق