بسم الله الرحمن الرحيم
اللهم صل على محمد وال محمد
, .......
يا بني أسد الجثث رفعوهـا
وإبعجل يا خلگ بس دفنوها
....
شاهدوا هالجثث ودموم الصفت
صاروا يحشمون والمدمع يكت
شوفوا هالاجساد عالغبره بگت
هـذا عـار عليكـم إتخلوهـا
,,,,,
ياخلگ ندفن أجساد إبالهل الدمه
إشلون نِغسِله وكلهـا إمخذمـه
الله وأكبر نور يسطع بالسمـه
يهل المـروه إبعجـل شيلوهـا
.......
إنتخوا كلهم والگلوب إنزفـن
وشدوا إحزام وتناخوا للدفـن
لگوا جثه إمگطعه إبكثر الطعن
من الأرض ما گدروا إيحملوها
.......
هالجثث ما گدروا إيحملونه
وهمه مذهولين ميعرفونـه
شاهدوا خيال إجه يشوفونه
گلهم الحفره إبعجل حفروها
......
شال ابو اليمه إلوحده ونزله
من العيون دموم تذرف هامله
شمـه بالمنحـر وگام يقبلـه
إحتاروا وهالقصه ماعرفوها
......
توجه الصوب النهر فزعوا إويا
وبشجن ناداهم إتقدمـوا إهنـا
وابوفاضل شاله بيده إوواسـدا
وبچفوفـه لجثتـه واراهــا
........
يساعده الله گلبك إبهذا المصاب
ياعلي دفنت الأهل ويالأصحاب
وإبحسرته يصيح يانار الشباب
إچفوفه جاسم بالدمـه حنوهـا
......
گام صله وحمد ربه إبحينه
راد يرجع حشموا حاچينه
إبجاه هالأجساد رد علينه
إنت منهوا والجثث خلوها
.......
آنه أبويه حسين ابن سيد الرسل
وأسمي السجاد والمدمـع يهـل
صاحوا بكل صوت واحد يارجل
إدموعهم دم عالوجـن هلوهـا
.......
گال هذا إحسين إبن بنت الرسول
صاحوا إحنه إدخيلكم يبن البتول
إبها المقابر أل هاشم هالفحـول
وذاك عمـي وإخوتـي إندلوهـا
........
ونسالكم الدعاء
ليست هناك تعليقات:
إرسال تعليق