بسم الله الرحمن الرحيم
اللهم صل على محمد وال محمد..
.........
على الايتام تبچي عين والينه
ابوالحسنين راحل من يراعينه
........
اتهل ادمــوعه العينين سچابه
من يوم السقط حيدر ابمحرابه
والايتام كلــها امگابله بابه
تتنازف اجـروح الگلب تاذينه
.......ابو الحسنين راحل من يراعينه
تاذينه الجروح المالها كل طب
فارگنه ابوغيره وللنفس يطرب
ياحسره تعيف وياحبيب اتحب
فارگنه الحبيب الچان سالينه
........ابو الحسنين راحل من يراعينه
فارگنه وأظن مابعد بيه رجعه
ياحيف واسف ليمامنه انودعه
والمحراب خالي وصوته بالجمعه
ماينسمع آه الحــزن يولينه
........ابو الحسنين راحل من يراعينه
ماينسمع صوت الرتل القرآن
غاب الچان سلوه للانس والجان
والملاك حزنانه اوحــزنها بان
ياجبريل اندب واصــل البينه
........ابو الحسنين راحل من يراعينه
ياجبريل خالي دار ابو الحسنين
والحاقد فرح من رحل نور العين
ياارض الذي حاطت شمس حطين
ماتنحاط شمس اللي نشـر دينه
........ابو الحسنين راحل من يراعينه
....
ماتنحاط سمشـك ياعلي الكرار
وحبك بالگلب توارثه الاحرار
مانترك طريقــك ياابو الثوار
هذا الكون أمامك شاهد علينه
........ابو الحسنين راحل من يراعينه
.......
نسالكم الدعاء
ليست هناك تعليقات:
إرسال تعليق